Rajesh hamal Woman costume in movie Shakuntala
विशाल चौतारी समाचार
काठमाडौ, २०७२ पौष २१ मंगलबार । नेपाली चलचित्र क्षेत्रका महा–अभिनेता राजेश हमालको महिलाको भेषमा खिचिएको तस्बिर सार्वजनिक भएको छ । यो तस्बिर अभिनेता राजेश अभिनित चलचित्र ‘शकुन्तला’को छायांकन स्थलबाट बाहिरिएको हो ।

दिनेश श्रेष्ठको निर्देशनमा तयार भैरहेको चलचित्रमा अभिनेता हमाल महिलाको भेषमा देखिएका छन् । सारी लगाएर लामो कपाल पालेका हमालको यो गेटअपलाई देख्ने वित्तिकै भन्न सकिन्छ, चलचित्रमा ‘शकुन्तला’ को भूमिका राजेश हमालले नै निर्वाहा गरेका छन् । र सार्वजनिक तस्बिरमा अभिनेता हमालको गेटअपले साच्चिकै महिला जस्तै देखिएको पनि छ ।
केही समय अगाडी पत्रकार सम्मेलनमा अभिनेत्री अनु र राजेशले ‘शकुन्तला’ को भन्नेमा कुरा लुकाएका थिए । पत्रकार सम्मेलनमा अभिनेता हमालले चलचित्रको शिर्ष पात्र पुरुष वा महिला जो पनि हुन सक्ने भन्दै कुरा लुकाएका थिए । चलचित्रमा अनु शाह, किशोर खतिवडा लगायतका कलाकारको पनि अभिनय छ ।