ब्रदरहूट्सका अनुसार २००० हजार भन्दाबढिको ज्यान गईसकेको छ ।

अमेरिकी विदेशमन्त्री जोन केरीले पछिल्लो हिंसा इजिप्टमा जारी मेलमिलापका प्रयासमाथि गम्भीर धक्का भएको बताए । युरोपेली संघ ईयुकी विदेश मामिला प्रमुख र संयुक्त राष्ट्रसंघका महासचिवले पनि दमनको आलोचना गरेका छन् । विपक्षी समर्थकहरु र सुरक्षाकर्मी सहित कयौंको ज्यान जाने गरि हिंसा भडकिएपछि संकटकाल लगाइएको इजिप्टका शहरहरुमा रातभर कफ्र्यु लगाइएको थियो । बचाउ आन्तरिम प्रधानमन्त्री हाजेम बेब्लावीले सुरक्षा व्यवस्था कायम गर्न कायरोका सडकमा कयौ दिन देखि जारी सरकार विरोधी धर्नाहरु तोडिएको बताए । उनले अपदस्थ राष्ट्रपति मोहमद मोर्सीका समर्थकहरुको भीड तितरवितर गर्ने निर्णय सजिलो नभएको टिप्पणी गरे । इजिप्ट सरकारको भनाइमा देशभर २३५ जनाको ज्यान गएको छ । सरकारविरोधी प्रदर्शनको समर्थक मुस्लिम ब्रदरहुडले हिंसामा २,००० भन्दा बढीको ज्यान गएको बताएको छ । सरकारी विरोधी प्रदर्शनकारीहरुमाथि कारवाही गर्ने क्रममा सुरक्षा फौजले आफ्नो पेशागत दक्षता देखाएको अधिकारीहरुले बताए ।

कायरोका सडकमा र इजिप्टभर भएका कारवाहीका क्रममा मोर्सीका समर्थकहरुले अवरोध र हतियार सहित प्रतिकार गरेपछि हिंसा भडकिएको उनले बताए । संकटकाल उनले मानिसहरुको ज्यान गएकोमा दु :ख व्यक्त गर्दै एक महिनाको लागि लगाइएको संकटकाल जतिसक्दो छिटो अन्त्य गरिने बताए । विरोधीहरुको मुख्य अड्डा राबा अल अदाविया मस्जिद र वरपरका क्षेत्रहरुमा सांझसम्म प्रदर्शनहरु जारी थिए । मुस्लिम ब्रदरहुडका एक नेताले प्रदर्शनहरु शान्तिपुर्ण रहेको बताउदै अन्तराष्ट्िरय समुदायलाई चुप लागेर नबस्न आग्रह गरे । प्रदर्शनहरु शान्तिपूर्ण थिए, अन्तराष्ट्िरय संघ संस्था, युरोपेली प्रतिनिधि र मानवअधिकारवादीहरुले यो नरसंहार रोक्न कदम चाल्नु पर्छ, तपाईहरु चुप लागेर बस्न मिल्दैन ? कायरोका विरोध शिविरहरुमा रहेका अपदस्थ राष्ट्रपति मोर्सीका समर्थकहरु माथि सुरक्षाकर्मीले बुधबार दिनभर गरेको कारवाहीमा मानिसहरुको ज्यान गएको थियो । कारवाहीका क्रममा कयौ प्रहरीको पनि ज्यान गएको आन्तरिक मन्त्रीले बताए । प्रदर्शनकारीलाई नियन्त्रणमा लिन बुलडोजरको समेत प्रयोग भएको थियो । कायसोस्थित संवाददाताहरुले हिंसामा थुप्रै मानिसको ज्यान गएको देखेको बताए, तर मर्नेको संख्या ठ्याक्कै कति हो भनेर स्वतन्त्र रुपमा पुष्टि हुन सकेको छैन । बीबीसी साभार