prem geet movie 51 days celebration & sagar sansar rai winner cover song
विशाल चौतारी समाचार
तस्बिरहरु : विशाल राई
काठमाडौ, २०७२ चैत २५ बिहिबार । वर्ष ०७२मा राम्रो ब्यापार गरेको चलचित्र ‘प्रेमगीत’ यूनिटले काठमाण्डौमा भब्य कार्यक्रमको आयोजना गर्दै ५१ दिन मनाएको छ । कार्यक्रममा सूचना तथा संचारमन्त्री शेरधन राई र चलचित्र विकाश बोर्ड अध्यक्ष राजकुमार राईले चलचित्रसँग आवद्ध चलचित्रकर्मी, रंग पत्रकारलाई मायाको चिनो प्रदान गरे ।
त्यस्तै कार्यक्रममा पत्रकार, चलचित्रकर्मीको उपस्थितीमा चलचित्रका कलाकार र निर्माण यूनिटले केक काटेका थिए । सो केक भने चर्चित अभिनेत्री रेखा थापाले उपहार स्वरुप पठाएकी थिइन् । अभिनेत्री रेखाले रेखाले चलचित्र सफल भएकोमा वधाई दिदै केक उपहार पठाएकी थिइन् । केक चलचित्रका निर्देशक सुदर्शन थापा, निर्माता सन्तोष सेन, अभिनेत प्रदिप खड्का, अभिनेत्री पूजा शर्माले एकसाथ काटेका थिए । माघ २९ गतेबाट प्रदर्शनमा आएको यो चलचित्र गोपि, गुण लगायतका हलमा प्रदर्शन भैरहेको छ ।

कभर सङ’ प्रतियोगीतामा सागर संसारलाई उपाधी

कार्यक्रममा चलचित्रको निर्माण यूनिटले आयोजना गरेको ‘म यस्तो गीत गाउछु कभर सङ’ प्रतियोगीताको उपाधी सागर संसार राइले जितेका छन् । उनलाई सूचना तथा सञ्चार मन्त्री शेरधन राईको हातबाट १ लाखको चेक समेत हस्तान्तरण गरिएको थियो ।
उपाधी र नगद १ लाख पुरस्कारसंगै आशुसेन फिल्मस्ले निर्माण गर्ने नयाँ चलचित्रमा गीत गाउने अवसर पाएका छन् । ५ सय ५९ जनाले युटुबबाट भिडियो अपलोड गरेर सहभागीता जनाएकोमा अन्तिममा १५ जना पुगेका थिए । जसमध्ये १० जनालाई युटुबमा भिडियो सर्वाधिक धेरै हेरिएको आधारमा र ५ जनालाई निर्णायकले वाइल्र्ड कार्ड इन्ट्रीको रुपमा प्रवेश गराएका थिए ।
अन्तिम १५ मा पुगेकाले गीत गाइसकेपछि ५ जनालाई अन्तिम प्रतिस्पर्धामा लगिएको थियो । जसबाट सागर संसार राइले उपाधी चुमेका हुन् । प्रतिस्पर्धीहरुलाई गायिका अन्जु पन्त, संगीतकार अर्जुन पोख्रेल,लेखक रामशरण पाठक, निर्देशक सुदर्शन थापा र निर्माता सन्तोष सेनले विनर छनौट गरेका थिए ।