SAAYAD 2 and New Movies LAURE and LOVE NUMBER Announces
विशाल चौतारी समाचार
विशाल राई
काठमाडौ, २०७३ बैशाख १५ बिहिबार । चलचित्र सायद–२ संगै थप लाउरे र लभ नम्बर बन्ने घोषणा दुर्गिश फिल्मसद्धारा गरिएको छ । हिजो काठमाडौमा एक भब्य समारोहका बिच चलचित्र यी तिन चलचित्र बन्ने घोषणा गरिएको थियो ।

आयोजित समारोहमा चलचित्र विकास बोर्ड अध्यक्ष राजकुमार राई, वितरक अशोक शर्मा, निर्माता केशव भट्टराई र प्रदर्शक गोपाल कायस्थले शुभकामना दिएका थिए । निर्माता तथा अभिनेता सुनिल रावलले कार्यक्रममा बोल्दै कम्पनीले वर्षेनी तीन स्तरिय सिनेमा निर्माणको योजना बुनेको बताए । सुनिलले निर्माणका लागि तीनै चलचित्रमा इश्वर श्रेष्ठ र सुवास लामिछानेसाग सहकार्य गरेका छन् ।

सायद २ को रिलिज मिति मंसिर ३ गते

चलचित्र छायाँकनमा जान भन्दा अगाडीदेखी नै चर्चामा रहेको चलचित्र सायद–२ बैशाखदेखि छायांकन हुनेछ । पुष्पराज न्यौपानेले निर्देशन गर्ने सायद–२ मंसिर ३ गते रिलिज मिति समेत घोषणा गरिएको छ । सुशिल श्रेष्ठ, कुशल पाण्डे, अमृत ढुंगाना, सुशिल सिटौला, स्यारोन श्रेष्ठ, निशा कार्की र रुविन श्रेष्ठ कलाकार हुन् ।
अभिनेता सुशिल श्रेष्ठले अघिल्लो प्रोजेक्ट होस्टेल रिटन्र्सभन्दा बढी मिहेनत गर्ने कार्यक्रममा बताए । साथै अन्य नया कलाकारहरुलेपनि राम्रो काम गर्ने बताए ।

लाउरेमा विक्रम सिंह र सलिनमान बानियाँको मुख्य भूमिका

चलचित्र ‘छड्के’ पछि कमब्याक हुन लागेका निगम श्रेष्ठले निर्देशन गर्ने यो चलचित्रमा विक्रम सिंह र सलिनमान बानियाँको मुख्य भूमिका हुनेछ । डेब्यु अभिनेता बानियाले अभिनयमा मिहेनत गर्ने प्रण गरे । असार २३ देखि सुटिङ सुरु हुने फिल्मका लाइन प्रोड्युुसर बुद्धिलाल मगर हुन् जसलाई नरेन्द्र मैनालीले खिच्दैछन् ।

लव नम्बर माघ ५ देखि छायांकन सुरु

केशव पाण्डेले निर्देशन गर्ने यो चलचित्रका कलाकारहरु तय भइसकेको छैन । तर चलचित्र माघ ५ देखि छायांकन सुरु हुनेछ । अष्ट्रेलियामा छायांकन हुने सिनेमालाई दुर्गिश फिल्मसले एनआरएन मनोज अधिकारीसाग टीमअप गरेको छ ।