priyanka karki and arpan thapa movie Aanagat direction samten bhutia
विशाल चौतारी समाचार
तस्बिर : विशाल राई
काठमाडौ, २०७३ बैशाख २४ शुक्रबार । चलचित्र अनागत बन्ने भएको छ । चलचित्र लेटर मार्फत निर्देशनमा डेब्यु गरेका सम्तेन भुटियाले अभिनेत्री प्रियंका कार्की र अभिनेता अर्पन थापालाई लिएर चलचित्रको निर्देशन तथा सम्पादन गर्ने छन् ।
चलचित्र बन्ने जानकारी राजधानीमा एक कार्यक्रमको आयोजाना गर्दै गराइएको थियो । कार्यक्रममा फिल्मको कास्ट र क्र्यु संगै अन्य सेलिब्रेटीको पनि उपस्थिति रहेको थियो । चलचित्र पत्रकार संघका अध्यक्ष शान्तिप्रिय , प्राविधिक संघका अध्यक्ष पुष्कर लामासंगै निर्देशक रामबाबु गुरुङ , अपिल बिष्ट , गायक सत्यराज आचार्य , बाबु बोगटी लगायतको उपस्थिति रहेको थियो ।
कार्यक्रममा बोल्दै चलचित्रका निर्देशक साम्तेन भुटियाले चलचित्र एउटा साइक्लोजिकल थ्रिलर भएको बताए । जहा श्रीमानको मनमा श्रीमतीको ब्यबहारबाट उब्जिने समस्यालाई देखाइएको छ । साम्तेनले भने–‘तेस्रो फिल्ममा आइपुग्दा मैले अघिल्ला फिल्मका कमि कमजोरीलाई सुधार्ने प्रयास गरेको छु भने एउटा परिवारको कथा हामि अनागतमा देख्ने छौ ।’ निर्देशक साम्तेनले निर्देशन गरेको दोस्रो चलचित्र ‘तान्द्रो’ चर्चामा रहेपनि रिलिज भने भएको छैन । कार्यक्रममा सो चलचित्रपनि हेरिदिन निर्देशक भुटियाले दर्शकहरुलाई आग्रह गरे ।
त्यस्तै चलचित्रका मुख्य कलाकार अर्पण थापाले कार्यक्रममा बोल्दै भने – ‘म लक्की ठान्छु आफुलाई कि प्राय यस्तो फिल्ममा काम गर्न पाउछु जहाा अभिनयले नै धानेको हुन्छ , फिल्मलाई । यसमा पनि एउटा श्रीमानको भूमिका निर्वाह गरेको छु र त्यसलाई न्याय गर्ने प्रयास हुनेछ ।
उता फरक भुमिकामा देखिन लागेकी चलचित्रको मुख्य कलाकार प्रियंका कार्कीले यस्तो किसिमको रोल आफ्नो लागि पहिलो भएको बताइन् । भनिन्, ‘यसमा मलाइ अर्पण जी को श्रीमती कृतिको भूमिकामा देख्न पाउनु हुनेछ । आफ्नो भूमिकालाई मैले अन्य भाडा यसमा केहि फरक पार्ने प्रयास गरेको छु ।’