KE MA TIMRO HOINA RA movie Aaryan Adhikari and Mariska Pokharel premiere
विशाल चौतारी समाचार
तस्बिर : विशाल राई
काठमाडौ, २०७३ जेठ ३ सोमबार । गत शुक्रबारदेखि प्रदर्शनमा आएको आकाश अधिकारी निर्देशित चलचित्र ‘के म तिम्रो होईन र’ले राम्रो ब्यापार गरिरहेको छ ।
गत आईतबार बिग मुभिजमा विशेष सो गरिएको थियो । शोमा अभिनेत्री, गायक तथा अन्य सेलिव्रेटिको राम्रो उपस्थित रहेको थियो भने निर्माण पक्ष र संचारकर्मीको बाक्लो उपस्थिती रहेको थियो । २ घण्टा ३० मिनेटको चलचित्र हेरेपछि सिनेमा हेरेर बाहिर निस्किएका सबैले सिनेमा धेरै राम्रो रहेको प्रतिकृया दिए । चलचित्रको एक्सन पाटो बबाल रहेको सबैले बताए । नयाँ अनुहार आर्यन अधिकारी र मरिष्का पोख्रेलको कामको तारिफ खुलेरै गरे । उता केहि चलचित्रमा काम गरिसकेका अभिनेता प्रज्वल सुजल गिरीको कामलाई पनि मनपराए ।
चलचित्र हेर्न अभिनेत्री रेखा थापा, करिस्मा मानन्धर, प्रियंका कार्की, श्वेता खड्का, निशा अधिकारी, केकी अधिकारी लगायत उपस्थित रहेका थिए, भने गायकमा राजेश पायल राई र बाबु बोगटी उपस्थित रहेका थिए । सुरेश अधिकारीको लगानीमा निर्माण गरिएको यस चलचित्रमा आर्यन, मरिष्का र प्रज्वल सहित मिथिला शर्मा र गौरी मल्ल मुख्य भुमिकामा छन् ।