KALO POTHI New Nepali full Movie Red Carpet premiere
विशाल चौतारी समाचार
तस्बिर : विशाल राई
काठमाडौ, २०७३ जेठ २० बिहिबार । भेनिष फिल्म फेस्टिभलमा बेष्ट फिल्मको अवार्ड जितेको तथा विदेशका २३ वटा फिल्म फेस्टिभलमा सहभागी भएको चलचित्र ‘कालो पोथी’को हिजो बुधवार राजधानीमा प्रिमियर गरिएको छ । ७२ औं भेनिस इन्टरनेसनल फिल्म महोत्सवमा ‘इन्टरनेसनल क्रिटिक्स विक’ जितेको ‘कालो पोथी’लाई प्रिमियरमा सबैले रूचाए । चलचित्र हेरिसकेपछी सबैले सिनेमा मनपरेको प्रतिकृया दिए ।
प्रिमियर शोमा चलचित्रका टिमसंगै चलचित्रकर्मी र रंग पत्रकारहरुको धेरै उपस्थित रहेको थियो । साथै चलचित्र हेर्न संचार मन्त्री शेरधन राई, चलचित्र विकाश बोर्ड अध्यक्ष राजकुमार राई, अभिनेत्री ऋचा शर्मा, केकी अधिकारी, रिमा विश्वकर्मा उपस्थित रहेका थिए । उता निर्देशक निश्चल बस्नेत आफ्नी श्रीमती स्वतिमा खड्कासंग पहिलो पटक सार्वजनिक कार्यक्रममा देखिएका थिए । रेड कार्पेटमा अभिनेत्री बेनिशा हमाल सारीमा देखिएकी थिइन् ।
भोली शुक्रबारबाट प्रदर्शनमा आउन लागेको यो चलचित्रलाई मिन बहादुर भामले निर्देशन गरेका हुन् । मुगुका दुई बालक प्रकाश र किरणबीचको मित्रतालाई माओवादी युद्धको पृष्ठभूमिमा राखेर निर्देशक भामले चलचित्रको रूप दिएका हुन् । फिल्म ‘कालो पोथी’मा वेनिशा हमाल, विपिन कार्की, प्रबिण खतिवडा, खड्गराज नेपाली, शुक्रराज रोकाय, जितबहादुर मल्ल, हन्सा खड्का, नन्द प्रसाद खत्रीलगायतको अभिनय हेर्न सकिन्छ । फिल्मको पटकथा एवं संवाद निर्देशक भाम र अभिनाष विक्रम शाहीको रहेको छ ।