FAAN Award 2072 Aaryan sigdel & Namrata Shrestha best actor/actress
विशाल चौतारी समाचार
तस्बिर : विशाल राई
काठमाडौ, २०७३ अषाढ १७ शुक्रबार । चलचित्र कलाकार संघले आयोजना गरेको पहिलो ‘फान अवार्ड’मा चलचित्र ‘क्लासिक’बाट आर्यन सिग्देल र नम्रता श्रेष्ठले उत्कृष्ट अभिनेता–अभिनेत्रीको विधामा अवार्ड जितेका छन् ।
काठमाण्डौको त्रिभुवन आर्मी अफिसर्स क्लबमा आयोजित प्रधानमन्त्री केपी शर्मा ओली प्रमुख अतिथी रहेको कार्यक्रममा विभिन्न २४ विधामा अवार्ड प्रदान गरिएको थियो । जसमध्ये ‘पशुपति प्रसाद’ उत्कृष्ट चलचित्र बन्न सफल भयो । यो बाहेक चलचित्र ‘पशुपति प्रसाद’ले उत्कृष्ट निर्देशक, उत्कृष्ट खलपात्र र उत्कृष्ट कथाको विधामा अवार्ड जित्यो ।
अवार्ड कार्यक्रममा वरिष्ठ कलाकार हरि प्रसाद रिमालललाई नगद १ लाख ११ हजार १ सय ११ रुपैया सहित ‘दीर्घ साधान सम्मान’ प्रदान गरियो । प्रधानमन्त्री केपी शर्मा ओली, सूचना तथा संचारमन्त्री शेरधन राई, नेपाली सेनाका प्रधानसेनापति राजेन्द्र क्षेत्रीले उनलाई सम्मान गरे । दोसल्ला, सम्मानपत्र र नगदसहित उनलाई सम्मानित गरिएको थियो ।
कार्यक्रममा नेपाली चलचित्र क्षेत्रका चर्चित अनुहारहरुको उपस्थित थियो । कार्यक्रममा बोल्दै प्रधानमन्त्री ओलीले नेपाली चलचित्र क्षेत्र उपेक्षित हुन नहुने क्षेत्र भएको भन्दै आफू सधै यो क्षेत्रसागै रहेको बताए । राष्ट्रको विकासको मापदण्ड कला क्षेत्र पनि भएको भन्दै उनले यसको विकासका लागि सरकार हातेमालो गर्न तयार भएको बताए ।
त्यस्तै ‘फान अवार्ड’मा ५० बर्षको अवधीमा हिट बनेका नेपाली चलचित्रका गीतमा कलाकारले नृत्य गरेका थिए । संगीतकार संघ नेपालले स्वर्गिय संगीतकार अम्बर गुरुङको संझनामा ‘रातो र चन्द्र सूर्य र मलाई नेपाली होइन भन्न’ बोलको गीत गाएर कार्यक्रम सुरु भएको थियो ।

‘फान अवार्ड’मा उत्कृष्ट हुन सफल चलचित्रकर्मी र चलचित्रको नाम यसप्रकार छ:

१.उत्कृष्ट फिल्म: पशुपति प्रसाद
२.उत्कृष्ट अभिनेता: आर्यन सिग्देल(क्लासिक)
३.उत्कृष्ट अभिनेत्री : नम्रता श्रेष्ठ(क्लासिक)
४.उत्कृष्ट निर्देशक: दीपेन्द्र के खनाल(पशुपति प्रसाद)
५.उत्कृष्ट हास्य कलाकार: विल्सन विक्रम राई(अधकट्टी)
६.उत्कृष्ट खलपात्र: विपिन कार्की(पशुपति प्रसाद)
७.उत्कृष्ट सह–अभिनेता: जीतु नेपाल(वडा नम्बर ६)
८.उत्कृष्ट सह–अभिनेत्री: रोमी घिमिरे(क्लासिक)
९.उत्कृष्ट नव–अभिनेत्री: साम्राज्ञीराज्य लक्ष्मी शाह(ड्रिम्स)
१०.उत्कृष्ट नव अभिनेता: पल शाह(नाई नभन्नु ल ४)
११.उत्कृष्ट चरित्र अभिनेता: रमेश वुढाथोकी(भाग् सानी भाग्)
१२.उत्कृष्ट चरित्र अभिनेत्री: लक्ष्मी गिरी(प्रेमगीत)
१३.उत्कृष्ट नव निर्देशक: भूवन केसी(ड्रिम्स)
१४.उत्कृष्ट छायांकार: संजय लामा र पुरुषोत्तम प्रधान(ड्रिम्स)
१५.उत्कृष्ट सम्पादन: सुरेन्द्र पौडेल(क्लासिक)
१६.उत्कृष्ट संगीतकार: राजनराज सिवाकोटी(वडा नम्बर ६)
१७.उत्कृष्ट गायक: यूवराज चौलागाई(क्लासिक)
१८.उत्कृष्ट गायिका: अन्जु पन्त(प्रेमगीत)
१९.उत्कृष्ट गीतकार: डाक्टर कृष्णहरि बराल(प्रेमगीत)
२०.उत्कृष्ट द्धन्द्ध निर्देशक: हिमाल केसी(भैरव)
२१.उत्कृष्ट नृत्य निर्देशक: शंकर वीसी(वडा नम्बर ६)
२२.उत्कृष्ट संवाद: दीपकराज गिरी(वडा नम्बर ६)
२३.उत्कृष्ट पटकथा: रामबाबु गुरुङ र उपेन्द्र सुब्बा(कबड्डी कबड्डी)
२४.उत्कृष्ट कथा: दीपेन्द्र के खनाल(पशुपति प्रसाद)