असार, २९ काठमाडौँ  । अगामी मार्च २ तारिख (२०७० फागुन १८) मा अमेरिकाको लस एन्जलसमा हुने ओस्कार अवार्डमा नेपालको तर्फबाट मौलिक फिल्महरुको सहभागिताको लागि श्रावण ६ सम्मको समय सिमा तोकिएको छ । विदेशी भाषी सर्वोत्कृष्ट चलचित्र छनोट समिति नेपालले च्याप्टरका सचिव चिरञ्जीवी गुरागाईले शुक्रबार साँझ जारी गरेको प्रेस विज्ञप्ती अनुसार मार्चमा हुने ओस्कार अवार्डमा सहभागीता जनाउने भए फिल्म निर्माण कम्पनीले श्रावण ६ गते दिउँसो १ बजे भित्र समितिको सचिवालयमा आफ्नो फिल्म दर्ता गरिसक्नुपर्ने उल्लेख गरिएको छ ।

विभिन्न २१ बुदे मापदण्ड र नियमहरू पुरा गरेको मध्येबाट एक फिल्मलाई ओस्कारका लागि यो समितिले सिफारिस गर्ने छ । ओस्कारमा सहभागिताका लागि तोकिएको मापदण्ड र नियमहरू यस प्रकार छन् ।
मापदण्ड र नियमहरू 

१. प्रतियोगी चलचित्र निर्माण भएको देशमा सन् २०१२ अक्टोबर १ तारिख अर्थात् वि.सं. २०६९ असोज १५ गतेभन्दा पछि मात्र तथा सन् २०१३ सेप्टेम्बर ३० तारिख अर्थात् वि.सं. २०७० असोज १४ गतेभन्दा पहिला नै सार्वजनिक प्रदर्शन गरिएको हुनु पर्नेछ ।

२. आफ्नो देशका चलचित्र भवनहरूमा उक्त चलचित्र निर्माताहरूका निम्ति व्यापारिक लाभ हुने प्रयोजनका लागि घटीमा सात दिनसम्म लगातार रूपमा दिनैपिच्छे सार्वजनिक प्रदर्शन भएको हुनु पर्नेछ ।

३. एकेडेमीको प्रतियोगितामा पठाउनका लागि कुनै पनि प्रतिस्पर्धी चलचित्र ३५ मि.मि. अथवा ७० मि.मि.मा निर्माण गरिएको हुनु पर्नेछ । अथवा, त्यसको साटो २४ वा ४८ प्रति सकेण्ड फ्रेमको प्रोग्रेसिभ् स्क्यान् डिजिटल फम्र्याटमा निर्माण भएको हुनु पर्नेछ, जसको न्यूनतम प्रोजेक्टर रेजोल्युशन २०४८÷१०८० पिक्सेलको हुनु पर्नेछ । त्यसको इमेज स्वरूप र इमेज फम्र्याट् चाहिँ निश्चितरूपमा एस्.टी. ४२८–१ः२००६ डी–सिनेमा डिस्ट्रिब्युशन् मास्टर हुनु पर्नेछ । यदि चलचित्रमा इमेज कम्प्रेशन प्रयोग गरिएको छ भने न्यूनतम रूपमा आई.एस्.ओ.÷ आइ.इ.सी. १५४४४–१ (जे.पी.इ.जी.–२०००) भई दृश्य र ध्वनिको फाइल फम्र्याट् व्यावसायिक डिजिटल सिनेमा उपकरणद्वारा प्रदर्शन गर्नका लागि मिल्न सक्ने हुनु पर्दछ ।

४. यद्यपि, डि.सी.पी. (डिजिटल सिनेमा प्याकेज) मा ५.१ च्यानललाई उपयुक्त एवम् विवेकपूर्ण ध्वनि पद्धति मानिन्छ र सकेसम्म ५.१ पद्धतिमा रेकर्ड् गरिएको ध्वनि हुनु पर्दछ । तथापि, ७.१ च्यानलसम्मको पद्धतिमा ध्वनि रेकर्ड् गरिएको भए पनि स्वीकार गरिने छ । ध्वनि पद्धतिमा मोनो कन्फिग्युरेशन् हुनु हुँदैन । कम्तिमा पनि लेफ्ट, सेन्टर र राइट कन्फिग्युरेशन् (समाकृति) गरी तीन च्यानलको ध्वनि पद्धति हुनु आवश्यक पर्दछ, किनभने देब्रे दाहिने दुईतिर मात्रै सुनिने ध्वनि पद्धति सिनेमा घरहरूमा स्वीकार्य हुँदैन ।

५. डि.सी.पी. फरमेशन्मा चलचित्रको अडियो डाटा निश्चित रूपले एस्.टी. ४२८–२ः२००६ डी–सिनेमा डिस्ट्रिब्युशन मास्टर हुनु पर्नेछ र अडियोको मुख्य गुण चाहिँ एस्.टी. ४२८–३ः२००६ डि–सिनेमा डिस्ट्रिब्युशन् मास्टर अडियो च्यानल म्यापिङ र च्यानल लेबलिङ् हुनु पर्नेछ ।

६. ३५ मि.मि., ७० मि.मि., डिजिटल भिडियो, सी.जी.आई. आदि जुनसुकै विधिद्वारा सिनेमा खिचेको भए पनि प्रतियोगी चलचित्रलाई डि.सी.पी.मा परिणत गरिएको हुनु पर्नेछ अनि डि.सी.पी.को मास्टरिङ गर्दा कम्प्रेशन् गर्नका लागि ‘वन् पर् फ्रेम’ डिजिटल इमेज फाइल बनाउनु आवश्यक हुनेछ ।

७. एकेडेमीको प्रतियोगितामा सामेल भएको समयमा आफ्नो देशमा प्रतियोगी चलचित्रको विज्ञापन र प्रदर्शन गर्न पाइने छ, तर त्यस अवधिमा अमेरिकामा चाहिँ त्यस चलचित्रको प्रदर्शन गरिएको हुनु हुँदैन ।

८. प्रतियोगी चलचित्रको आफ्नो देशका सिनेमा घरहरूमा व्यावसायिक प्रदर्शन शुरु हुनु अघि क’नै पनि टेलिभिजन अथवा इन्टरनेट ट्रान्समिशनद्वारा प्रदर्शन गरिएको हुनु हुँदैन ।

९. प्रतियोगी चलचित्रको ओरिजिनल डाइलग् ट्रयाक क’नै पनि अवस्थामा अंग्रेजी भाषामा हुनु हुँदैन र मूल रूपमा आफ्नै देशको राष्ट्रिय भाषा, राष्ट्र भाषा वा भाषाभाषी अथवा बोलीचालीमा बोलिएको वा रेकर्ड् गरिएको हुनु पर्नेछ । तर उक्त चलचित्रमा शुद्ध अंग्रेजी भाषामा सब्टाइटल राख्नु अनिवार्य छ, जसमा लाग्ने खर्च निर्माता स्वयम्ले गर्नु पर्दछ ।

१०. प्रतिस्पर्धी चलचित्रमा सिर्जना सम्बन्धी प्रायः सबै मुख्य कार्यहरू आफ्नै देशका नागरिकहरूले सम्पन्न गरेका हुन् भनी राज्यद्वारा अनिवार्य रूपमा प्रमाणित गरिएको हुनु पर्दछ ।

११. कुनै पनि देशको छनोट समितिले छानेर पठाएको चलचित्रलाई प्रतियोगितामा राख्ने वा नराख्ने कुराको अन्तिम छनोट र निर्णय एकेडेमीले नै गर्नेछ ।

१२. एकेडेमीद्वारा आधिकारिक मान्यता प्रदान गरिएको हरेक देशका विज्ञ चलचित्रकर्मीहरूको एक निर्णायक मण्डल वा छनोट समितले आफ्नो देशमा निर्माण भएको एउटा उत्कृष्ट चलचित्रलाई विदेशी भाषी सर्वोत्कृष्ट चलचित्र प्रतिस्पर्धामा सहभागी बन्नका निम्ति छनोट गरी पठाउने छ । उक्त निर्णायक मण्डल वा छनोट समितिले सन् २०१३ अगस्ट १ तारिख (तदानुसार वि.सं. २०७० श्रावण १७ गते) भित्रमा तत्सम्बन्धी कागजपत्रहरू एकेडेमीमा पठाइसक्नु पर्नेछ ।

१३. त्यस्तो मान्यता प्राप्त आधिकारिक समिति वा संस्थाले आफ्नो देशबाट एउटा मात्र चलचित्र छनोट गरी सिफारिस पत्र पठाउनु पर्नेछ ।

१४. छनोट गरिएको चलचित्रका बारेमा निर्माताले पूर्ण जानकारी दिलाउन सकुन् भनी एकेडेमीले समितिलाई प्रवेश फारम पठाई दिनेछ ।

१५. निर्माताले प्रवेश फारमका साथमा निर्देशक, निर्माता, कलाकार आदिका साथै सबै प्राविधिकहरूको नामावली (क्रेडिट टाइटल्स्), अंग्रेजी भाषामा लेखिएको चलचित्रको संक्षिप्त सारांश, निर्देशकको बायोग्राफी र फोटो, चलचित्रका स्थिर फोटाहरू ९क्तष्िि एजयतयनचबउजक०, चलचित्र रिलिज् हुँदाको एउटा पोस्टर, चलचित्र प्रदर्शन गराउँदा समाचार पत्रहरू तथा पत्रिकाहरूमा छापिएका विज्ञापनका कटिङहरू समेत सन् २०१३ अक्टोबर १ तारिख तदअनुसार २०७० असोज १५ गतेसम्ममा अनिवार्य रूपमा एकेडेमीमा पुग्ने गरी पठाइसक्नु पर्नेछ । साथै अन्य महत्वपूर्ण जानकारी दिने कागजातहरू पनि पठाउन सकिनेछ ।

१६. चलचित्रको प्रिन्ट अथवा डि.सी.पी. (डिजिटल सिनेमा प्याकेज) सन् २०१३ अक्टोबर १ तारीख अर्थात् २०७० असोज १५ गते दिनको ५ः०० बजेभित्रमा एकेडेमी कार्यालयमा पुगिसक्नु पर्नेछ, जसका लागि आवश्यक पर्ने खर्चको सबै रकम निर्माताले पहिले नै (प्रिपेड) तिरेर पठाउनु पर्नेछ ।

१७. सो चलचित्र हेरेर एकेडेमीले प्रतियोगितामा सामेल गराउने निर्णय लिइसकेपछि विभिन्न निर्णायक मण्डलहरूद्वारा हेर्नका निम्ति अंग्रेजी सब्टाइटल् राखिएको चलचित्रको दोस्रो प्रिन्ट वा डि.सी.पी. एकेडेमीमा त्यसरी नै पठाउनु पर्नेछ । दोस्रो प्रिन्ट वा डि.सी.पी. सन् २०१४ जनवरी १४ तारिख अर्थात् २०७० पुष ३० गते ५ः०० बजेभित्रमा एकेडेमी कार्यालयमा पुगिसक्नु पर्नेछ ।

१८. त्यसरी एकेडेमीमा प्राप्त भएका प्रिन्ट वा डि.सी.पी.का कपीहरू निर्णायक मण्डलीहरूको भोटिङ्ग अवधिभरि एकेडेमी मै रहनेछन् ।

१९. पुरस्कारको नोमिनेशनमा पर्ने ५ वटा विदेशी भाषी चलचित्रका एक–एक प्रिन्ट एकेडेमीले आफ्नो संग्रहालयमा सुरक्षित गरी राख्ने छ र बाँकी अरू पिन्ट वा डि.सी.पी. एकेडेमीले आफ्नै खर्चमा निर्मातालाई पठाई दिनेछ । संग्रहालयमा राखिएका चलचित्रहरूलाई एकेडेमीले व्यवसायिक प्रदर्शन गर्ने छैन ।

२०. नोमिनेशनमा परेको चलचित्रले अस्कर अवार्ड् प्राप्त गर्न सकेको खण्डमा पुरस्कार बापत प्राप्त हुने ट्रफी त्यस चलचित्रको सर्जकका हैसियतले निर्देशकले ग्रहण गर्नुपर्नेछ ।

२१. एकेडेमीद्वारा कुनै पनि चलचित्र अस्कर अवार्ड्मा प्रतिस्पर्धी हुनका निम्ति छनोट गरी सेमी फाइनलसम्म पुगे पनि निर्माताहरूले त्यस चलचित्रको व्यवसायिक विज्ञापन गर्दा ‘अस्कर अवार्ड्को शर्टलिस्टमा पर्न सफल’ अथवा ‘अस्कर अवार्ड्को फाइनलिस्ट्’ वा ‘एकेडेमी अवार्ड्को अन्तिम चरणमा पुग्न सफल’ इत्यादि कुरा उल्लेख गर्न पाइने छैन । तर नोमिनेशन्मा पर्न सफल भएको खण्डमा चाहिँ अस्कर अवार्ड्मा प्रतिस्पर्धी भएको कुरा विज्ञापनहरूमा उल्लेख गर्न सकिने छ ।