Nepal Bank branches fire
विशाल चौतारी समाचार
पोखरा, २०७४ भाद्र ९ शुक्रबार । पोखरा–लेखनाथ महानगरपालिका–९ स्थित नेपाल बैंक लिमिटेडको पृथ्वीचोक शाखामा गएराति १० बजेतिर आगलागी भएको छ ।
                                                                                                                                  फाइल फोटो

विद्युत् सर्ट भई शाखाको काउन्टरमा आगलागी शुरु भएपछि बैंकका सुरक्षा गार्डले तुरुन्तै महानगरपालिकाको बारुणयन्त्रलाई खबर गरेका र बारुणयन्त्र समयमै पुगी आगो निभाएकाले आगो अन्यत्र फैलन नपाएको जिल्ला प्रहरी कार्यालय, कास्कीका प्रवक्ता प्रहरी नायव उपरीक्षक खड्गबहादुर खत्रीले जानकारी दिए ।
आगोले बैंकको काउन्टरमा रहेका पाँचवटा कागजका पोकामा क्षति पुर्याएको बताइएको छ । आगोले बैंकको ढिकुटीमा रहेका नोटलाई भने कुनै क्षति नपुर्याएको प्रहरीले जनाएको छ । रासस