One million will be worshiped
विशाल चौतारी समाचार
काठमाडौँ, २०७४ भाद्र २६ सोमबार । श्री मानस तथा बोलबम परिवारले जनकपुरमा एक करोड शिवलिङ्गको पूजा आयोजना गर्ने भएको छ । आइतबार आयोजित पत्रकार सम्मेलनमा सो संस्थाका अध्यक्ष ललन ठाकुरले त्यस पूजामा नेपाल र भारतका भक्तजन आउने जानकारी दिएकाछन् ।
                                                                                                                                  फाइल फोटो

यही कात्तिक २२ गते जनकपुरमा आयोजना हुने त्यस कार्यक्रममा ११ दिनको कठोर यात्रा गरी नेपालका १० हजार तथा भारतका आठ हजार भक्तजनको उपस्थिति रहने तथा पूजाका लागि ७०० पुजारीको व्यवस्था गरिएको बताए ।
भारतबाट नेपाल आउनुभएका पुरोहित अभयकान्त मिश्रले विश्वमा शान्ति खलबलिएको र हिंसाका घटना बढ्दै गएका बेला नेपालमा आयोजना हुने एक करोड शिवलिङ्ग पूजा महत्त्वपूर्ण रहेको बताए ।
सो संस्थाका अनुसार पूजामा भाग लिन आउने भारतका अतिथिलाई खाने, सुत्ने व्यवस्था मिलाइएको र सुरक्षाको व्यवस्था सरकारले गर्ने जनाइएको छ । रासस