विशाल चौतारी समाचार
काठमाडौं, २०७७ मंसिर २५ बिहिवार । बिहीबार सुनको मूल्य प्रतितोला ९०० रुपैयाँले ओरालो लागेको छ।

नेपाल सुनचाँदी व्यवसायी महासंघका अनुसार आज सुनको मूल्य प्रतितोला ९२ हजार ५०० कायम भएको छ। बुधबार ९३ हजार ४०० मा कारोबार भएको थियो।

तेजाबी सुनको मूल्य पनि ९०० रुपैयाँले घटेको छ। बुधबार ९२ हजार ९५० मा कारोबार भएको तेजाबी सुन आज ९२ हजार ५० रुपैयाँमा कारोबार भइरहेको छ।

चाँदीको मूल्य तोलामा १५ रुपैयाँले घटेर एक हजार २०० तोकिएको छ।