बिशाल चौतारी समाचार
काठमाडौं, २०८१ असोज २० आइतवार । आमा सरस्वती मुभिजको व्यानरमा निर्माण भएको चलचित्र ‘छक्का पन्जा ५’को ट्रेलर रिलिज भएको छ । असोजको २४ गतेबाट रिलिजमा आउन लागेको चलचित्रको कमेडी, राजनीतिक बिषयवस्तु र पारिवारिक कथावस्तु समावेश गरिएको ट्रेलर रिलिज गरिएको हो । चलचित्र रिलिजको ६ दिन अगाडि ट्रेलर सार्वजनिक गरिएको हो ।

दीपाश्री निरौलाको निर्देशनमा तयार भएको चलचित्रमा दीपकराज गिरी, केदार प्रसाद घिमिरे ‘माग्ने बुढा’, वर्षा सिवाकोटी, राजाराम पौडेल, रमेश वुढाथोकी, प्रकाश घिमिरे, नरेन्द्र थापा, उत्तम केसी, ब्रजेस खनाल, हिउँवाला गौतम, नविन श्रेष्ठ, दमन रुपाखेती, लोकेन्द्र लेखक र निर्मल शर्माको अभिनय छ ।
दीपकराज गिरीको कथा र पटकथा रहेको चलचित्रमा दीपकराज गिरी, केदार प्रसाद घिमिरे र दिलिप तामाङको संवाद छ । केदार प्रसाद घिमिरे र निर्मल शर्मा कार्यकारी निर्माता रहेको चलचित्रमा केशव न्यौपाने र दीपेन्द्र खनियाँ निर्माताको रुपमा छन् ।
हरि हुमागाँइको डीओपी रहेको चलचित्रमा उत्तम हुमागाँइको छायांकन छ । चलचित्रमा विपिन मल्लको सम्पादन छ । गम्भिर बिष्ट र सुनिल क्षेत्रीको कोरियोग्राफी रहेको चलचित्रमा शम्भुजित बास्कोटा, दीपक शर्मा र बाबुल गिरिको संगीत छ ।