बिशाल चौतारी समाचार
काठमाडौं, २०८१ मंसिर, २२ शनिवार । गायक छेवाङ लामाको नयाँ गीत ‘एकोहोरो माया’ को म्युजिक भिडियो सार्वजनिक भएको छ । एकदेव लिम्बुको शब्द र संगीत रहेको गीतमा गायक छेवाङको स्वर रहेको छ ।

केन्द्र मोसन पिक्चस मार्फत सार्वजनिक भएको म्युजिक भिडियोमा छेवाङको साथमा अभिनेत्री मिरुना मगरको अभिनय देख्न सकिन्छ । बिकेश मगरको छायांकन र सम्पादन रहेको भिडियोलाई निर्देशक आकाश पौडेलले निर्देशन गरेका छन् । भिडियोमा एक कलाकारको दैनिकी र उनिहरुको प्रेम जिवनमा हुने उतारचढावलाई देखाउन खोजिएको छ ।