Bisal Chautari Logo

दीपक लम्सालको लगानी र जुनिमको निर्देशनमा ‘हे माया’ बन्ने

- १९ चैत्र २०८१, बुधबार १८:२८ मा प्रकाशित


बिशाल चौतारी समाचार
काठमाडौं,२०८१ चैत्र २० बुधवार।
दीपक लम्सालको लगानीमा चलचित्र ‘हे माया’ निर्माण हुने भएको छ । आगामी जेठबाट चलचित्रको छायांकन तयारी सहित यो चलचित्रको निर्माण घोषणा गरिएको हो । चलचित्रमा नाम चलेका कलाकारहरुको नै अभिनय रहने जानकारी उनले दिएका छन् ।

चलचित्रका लागि अहिलेसम्म धेरै कलाकारसँग मौखिक सहमती भैसकेपनि लिखित सम्झौता हुन बाँकी रहेकाले केही समयपछि सार्वजनिक गर्ने तयारी भैरहेको उनले जानकारी दिए । निर्माता दीपक लम्साल लामो समयदेखि भारतको मुम्बईमा बसेर बलिउड र दक्षिण भारतीय चलचित्रको नेपाल रिलिजको चाँजोपाजो मिलाउँदै आइरहेका छन् । उनले बलिउड चलचित्र नेपाल रिलिजमा लामो समय काम गरेपछि पहिलो पटक नेपाली चलचित्र निर्माणमा हात हाल्न लागेका हुन् ।

रियल इन्टरटेनमेन्ट प्रालीको ब्यानरमा निर्माण हुने चलचित्रलाई जुनिम गहतराजले निर्देशन गर्ने भएका छन् । उनले निर्माण तथा निर्देशन गरेको चलचित्र ‘ताण्डवम्’ हालै प्रदर्शनमा आएको थियो । ‘ताण्डवम्’मा जुनिमको निर्देशकिय क्षमता हेरेर नै आफ्नो सिनेमा निर्देशनमा जिम्मेवारी सुम्पेको निर्माता लम्सालले बताए । 

चलचित्रको पटकथा तथा संवाद चक्रपाणी सांखीले लेखिरहेका छन् । नेपाली नयाँ वर्ष सुरु भएसँगै चलचित्रको कास्ट एण्ड क्रिउ सार्वजनिक गर्ने तयारी निर्माण टिमको छ ।

प्रतिक्रिया