Bollywood actress zareen khan and famous Nepali celebrities on ramp with vishal kapoor designs
विशाल  राई (तस्विरसहित)
काठमाडौं, २०७१, कात्तिक २ आइतबार । बलिउड अभिनेत्री जरिन खान अहिले नेपालमा छिन् । अभिनेत्री खानले विश्व चचिर्त फेशन डिजाइनर विशाल कपुरका पहिरनमा सो स्टपरको रुपमा हिजो शनिबार सोल्टी होटलमा आयोजित फेशन शोमा र्‍याम्प नापेकी थिइन् ।
बलिउड अभिनेत्री जरिन खान सहित अर्का बलिउड अभिनेता अजाज खानलेपनि फेसन डिजाइनर बिशाल कपुरको डिजाइनमा र्‍याम्पमा उत्रिएका थिए । अभिनेत्री जरिन र अजाज खानलाई डिफ्युजन सिक्वेन्समा बिशालले र्‍याप्पमा उतारेका थिए । हिजो बेलुकी करिव ८ बजेदखी सुरु भएको फेसन शोमा यी दुई बलिउड कलाकारहरु सहित नेपालमा चर्चित सेलिब्रेटीहरु र्‍याम्पमा पालैपालो उत्रिएका थिए ।
पुर्व मिस नेपाल माल्भिका सुब्बा र स्रिजल रुपाखेतीले सञ्चालन गरेको फेसन शोमा अभिनेत्री नन्दिता केसीको नृत्यबाट सुरुवात गरिएको थियो । नेपालका चर्चित ब्याक्तित्वहरुको उपस्थित रहेको फेसन शो करिव २ घण्ट चलेको थियो । २ घण्ट चलेको फेसन शोमा नेपाली सेलिव्रटिको तर्फबाट अभिनेता विजय लामालाई र्‍याम्पमा उतारिएको थियो । त्यस्तै अभिनेत्री रिमा विश्वकर्मा फरक परिहणमा नृत्य प्रस्तुती मार्फत उत्रिएकि थिइन् । त्यसपछि अभिनेत्री निशा अधिकारी बिशाल कपुरको डिजाइन पहिरीएर र्‍याम्पमा उत्रिइन् । निकै फरक ढंगले आयोजना गरिएको फेसन शोमा उद्घोषिका माल्भिका सुब्बाले माहोललाई सुन्दर बनाइदिइन् । अभिनेता आर्यन सिक्देलाई अभिनेत्री सुब्बाले नेपाली सुपरस्टार अफ नेपाली फिल्म इन्डष्ट्रि भनेरै तारिफ गरिन् । अभिनेता आर्यनले फेसन शोको बारेमा बोल्दै बिशाल कपुरको डिजाइनहरु एकदमै राम्रो लागेको बताए ।
त्यस्तै अभिनेता रेश मरहठापनि बिशाल कपुरको डिजाइनमा कार्यक्रमको मध्ये भागमा उत्रिए । उता निलम चन्दपनि फरक पहिराणमा र्‍याम्पमा उत्रिएकी थिइन् । यसै बिचमा अभिनेत्री तथा डान्सर दिया मास्केले हिन्दि गित ‘घागारा’मा नृत्य गरिन् । अभिनेत्री दियाको डान्सलाई उपस्थित सबैले तारिफ गरेका थिए ।
फेसन शोको अन्तिममा बलिउड अभिनेत्री जरिन खान विश्व चर्चित फेसन डिजाइनर बिशाल कपुरको डिजाइनमा र्‍याम्प नाप्न उत्रिएकी थिइन् । त्यो भन्दा पहिला अर्का बलिउड अभिनेता अजिज खान डिफ्युजन सिक्वेन्समा र्‍याम्पमा उत्रिएका थिए । त्यसपछि बलिउडका दुई सेलिव्रेटीहरुका साथमा फेसन डिजाइनर बिशाल कपुर र्‍याम्पमा उत्रिएका थिए । उनी कालो रङको सेरवानीमा र्‍याम्पमा उत्रिएका थिए ।
फेसन डिजाइनर विशालले नेपाल र भारतका थुप्रै कलाकारलाई आफ्नो डिजाइनमा र्‍याम्पमा हिडाइसकेका छन् । बलिउड अभिनेत्री जरिन खानले नेपाल आउने बित्तिकै गरिएको पत्रकार सम्मेलनमा बोल्दै आफूले शनिबार हुने फेसन सोमा लेङगा लगाउने बताएकी थिइन् । उनले आफू पहिलो पटक नेपाल आएको बताउदै समय रहेसम्म नेपालको धेरै स्थानमा घुम्ने चाहना व्यक्त गरेकीपनि थिइन् । अभिनेत्री जरिन काठमाडौका केही स्थानहरुमा घुमेकीपनि छिन् ।
पनाचे ग्यालेक्सी अफ स्टार्सको आयोजनामा भएको फेसन शोको कोरीयोग्राफि प्रसान्त ताम्राकारले गरेका थिए । कार्यक्रममा बलिउडका आकर्षक नृत्यका साथै विभिन्न पहिरनमा मोडलहरु र्‍याम्पमा उत्रिएका थिए ।

[gss ids=”5930,5932,5931,5929,5928,5927,5926,5937,5936,5939,5924,5923,5922,5921,5925,5920,5919,5918,5933,5934,5938,5935″]

vishal kappor si a successful trendseter in tha world of contemporary fashion.