sunil rawal and samyam puri

सायदपछी सुनिलसग संयमको ‘आभाष’ फेरी एकसाथ पर्दामा

विशाल चौतारी समाचार
खोटाङ, २०७१, पौष २०, आइतबार । दुगिर्स फिल्मसको ब्यानरमा सुरज सुब्बा (नाल्बो) को निर्देशनमा तयार भएको चलचित्र सायदमा एकसाथ ठुलो पर्दामा देखिएको जोडी अर्थात सायदका निर्माता सुनिल रावल र अभिनेता संयम पुरी फेरी एकसाथ पर्दामा देखिएका छन् ।
पुष २५ गते देशभर प्रदर्शनको तयारीमा रहेको बहुप्रतिक्षित चलचित्र ‘आभाष’मा संयम पुरी र सुनिल रावल एकसाथ देखिएका छन् । अभिनेता संयम पुरीले कुराकानी गर्दै भने–‘सुनिल दाईसग काम गर्न पाउदा आफुलाई औधी खुसी लाग्छ । सुनिल दाई मलाई आफ्नै दाई जस्तो लाग्छ, मलाई हरेक कुरामा सम्झाउनु हुन्छ, बुझाउनु हुन्छ, त्यसैले उहाको माया र न्यानो साथले नै आज म यस ठाउसम्म आईपुगेको छु’, अभिनेता संयमले बताए । करिब ३ बर्ष अघि निर्माण भएको चलचित्र सायदमा सुनिल रावलले संयमको दाईको भुमिका निभाएका थिए ।
त्यसपछि यि जोडी अब पुष २५ गते प्रदर्शन हुन लागेको चलचित्र आभाषमा समेत एकसाथ देखिदैंछन् । त्यस्तै निर्माता तथा अभिनेता सुनिललेपनि कुराकानिको क्रममा भने–‘संयम नेपाली चलचित्र क्षेत्रको एक आशालाग्दो कलाकार हो मैले उसको आखामा एक सुपरस्टार देखेको छु । साच्चै भन्नु पर्दा संयमले सबैको मनछुने अभिनय गर्ने माहिर छ’, निर्माता सुनिलले बताए ।
बैकिंक पेशा अपनाएका सुनिल रावल सायद चलचित्रबाट नै उनी निर्माताका रुपमा परिचित भएका हुन् । त्यसपछि उनले होस्टेल निर्माण गरेका थिए । अब उनले निर्माण गरेको अर्को चलचित्र ‘होस्टेल रिटन्र्स’ यति बेला पोष्ट प्रोडक्शनमा रहेको छ । अब अगामी बन्ने चलचित्रहरुमा संमयलाई नै आफुले निर्माण गर्ने चलचित्रमा कलाकारको रुपमा राख्ने समेत सुनिलले बताए ।
पुष २५ गते प्रदर्शन हुन लागेको चलचित्र ‘आभाष’मा संयम पुरी, आष्मा डिसी, सलोन बस्नेत, निशा अधिकारी, प्रकृति श्रेष्ठ, सुनिल रावल, गोविन्द शाही लगायतका कलाकारहरुले अभिनय गरेका छन् । क्रिएटिभ फिल्म एन्ड ग्लसी पिक्चर्सको ब्यानरमा निर्माण भएको चलचित्र ‘आभाष’मा पुरुषोत्तम प्रधानको छायांकन, चन्द्र पन्तको दन्द्ध, सुरेन्द्र पौडेलको चलचित्रमा सम्पादन रहेको छ । चलचित्रमा गोविन्द शाही,पवन श्रेष्ठ र दिपक शाहीको लगानी रहेको छ ।