Singer Manoj Mahato Tharu language film recordings, to busy
विशाल चौतारी समाचार
तस्बिरहरु : विशाल राई
काठमाडौ, २०७१, पौष २५, शुक्रबार । अहिले चर्चामा आएका पहिलो एल्बम ल्याउने गायकहरु मध्ये मनोज महतो अगाडी छन् । गायक मनोज महतोले एल्बम ल्याएको करिव महिनादिन नबित्दै विभिन्नि गीत रेकर्डीङमा ब्यास्त बनेका छन् ।
यस्तै क्रममा गायक मनोज महतो २०४६ सालमा निर्माण भएको थारु भाषाको पहिलो चलचित्र ‘करम’ को पार्ट २ सिक्वेल ‘करम वीर’ को गीत रेकर्डिङमा ब्यास्त बनेका छन् । हिजो प्राइम स्टुडियोमा ‘सिरुवा पावैन’ बोलको गीत गायक मनोज महतोसंगै नव गायिका समिक्षा चौधरीले रेकर्ड गराएका छन् ।
अहिलेका ब्यास्त संगीतकार बिकाश चौधरीको संगीतमा रहेको गीतलाई चलचित्रका प्रोड्युसर, अभिनेता रामलाल चौधरीले रचना गरेका हुन् । यसै चलचित्रका अन्य दुई गीत ‘बचपनके साथी र ए मोवाइल वाली’ बोलको गीत रेकर्डिङपनि हुदैछ ।
परशुराम चौधरीको निर्देशनमा बन्न लागेको चलचित्र ‘करम वीर’ माघको पहिलो हप्ता सुनसरीबाट सुटिङ सुरु गर्ने चलचित्रका निर्माता रामलालले बताए । चलचित्र नेपाल म्याक्स तथा सुनसरी फिल्मस् प्रोडक्सनको संयुक्त प्रस्तुतीमा बन्न लागेको हो ।