Hassan Khan liked acting Movie Alvida nikhil upreti
विशाल चौतारी समाचार
काठमाडौ, २०७१, पौष २८, सोमबार । अभिनेता आर्यन सिग्देलले अभिनय गरेको पछिल्लो रिलिजमा आएको चलचित्र ‘अलबिदा’लाई अभिनेता निखिल उप्रेतीले हेरेका छन् । काठमाण्डौमा आयोजना भएको प्रेस शोमा निखिल उप्रेती देखिए । तर अभिनेता आर्यन भने छायांकनमा नै व्यस्त बने ।

अभिनेता निखिलले चलचित्र हेरेपछि आफूलाई सिनेमा अत्यन्त मन परेको बताए । उनले निर्माता तथा नव अभिनेता हसन खानको अभिनयको पनि तारिफ गरे । उता दर्शकहरुको समेत प्रसंसा पाइरहेका नव अभिनेता हसन खान एक्सन किङ निखिलले तारिफ गरेपछि अझ बढि उत्साहित देखिएका छन् ।
देशभरका विभिन्न हलमा प्रदर्शनमा आएको लक्ष्मण रिजाल निर्देशित चलचित्र ‘अलबिदा’ले औषत व्यापार गरेको छ । कम हल, देशभरका विभिन्न स्थानमा भैरहेको बन्दले चलचित्रको व्यापारलाई प्रभाव पारेको देखिन्छ । तर निर्माता खान भने आफू व्यापारबाट सन्तुष्ट रहेको बताउछन् । उनले सिनेमाको व्यापारबाट आफू सन्तुष्ट रहेको भन्दै दर्शक तथा चलचित्रकर्मीले आफ्नो काम रुचाएको बताए ।
चलचित्र अलबिदामा अभिनेता आर्यन र हसनको साथमा अनिता आचार्य सिनेमामा मुख्य भूमिकामा छिन् । मुस्लिम र हिन्दुको कथा भन्ने यो चलचित्रमा आर्यन प्रहरीको भूमिकामा देखिएका छन् ।

सबै फोटो फिचरमा हेर्नुहोस्

[gss ids=”7938,7942,7941,7939,7940,7935″]

New Nepali Movie Alvida | Aaryan Sigdell | Hassan Khan | Anita Acharya