Keki Adhikari try to escape with Sabin Shrestha in Bhag Sani Bhag movie
विशाल चौतारी समाचार
तस्बिर : विशाल राई
काठमाडौ, २०७१, चैत ६, शुक्रबार । चर्चित संगीतकार चेतन सापकोटा कार्यकारी निर्माता रहेर बन्न लागेको चलचित्र ‘भाग् सानी भाग्’को घोषणा कार्यक्रममा अभिनेत्री केकी अधिकारी भाग्दै आइपुगेकी थिइन् ।
नवल नेपालको लेखन तथा निर्देशन रहने चलचित्रको शिर्ष भूमिकामा रहेकी अभिनेत्री केकीले हिजो आज काठमाण्डौमा आयोजना गरिएको कार्यक्रममा बोल्दै ‘यो चलचित्रमा म भागिरहनेछु ।’
शनिबारबाट छायांकनमा जान लागेको चलचित्र ‘भाग् सानी भाग्’ बलिउड चलचित्र ‘भाग् मिल्खा भाग्’सँग केही हदसम्म मिल्दोजुल्दो छ । तर अभिनेत्री केकी अधिकारीले बोल्ने क्रममा बलिउड चलचित्र ‘भाग मिल्खा भाग’बाट प्रभावित नभएको प्रश्ट्याइन् ।
यस्तै, निर्देशक नवल नेपालले चलचित्र क्षेत्रमा जब संकट पर्छ तब आफूहरु नै अगाडि सर्नुपर्छ भन्दै यो चलचित्रलाई कमेडी बिषयमा बनाउन लागेको बताए । चलचित्रमा केकीका साथमा सविन श्रेष्ठ, निर शाह, लय संग्रौला, रमेश वुढाथोकी, गिता अधिकारी, रविन्द्र खड्का, विष्णु सापकोटाको मुख्य भूमिका रहनेछ ।
रंगिन सपना बोकेर आ–आफ्नो गाउँबाट शहर पसेका एक जोडी युवा युवतीको संघर्षको कथालाई चलचित्रले मनोरञ्जनात्मक तबरले प्रस्तुत गर्ने निर्माता समेत रहेका चेतन सापकोटाले बताए । उनले एउटा ‘सानी’लाई पनि आफ्नो जिन्दगी जिउने अधिकार हुने भएकाले दर्शकले चलचित्र हेरेपछि आफूहरुलाई स्याबासी दिने बताए ।
चलचित्रमा सहदेव गौतम र विलोल पोख्रेल निर्माताको रुपमा छन् । साथीभाई फिल्मस्का लागि बिष्ण्ुा चापागाँइको प्रस्तुतीमा बन्न लागेको यो चलचित्रमा कविराज गहतराजको नृत्य, हिमाल केसीको एक्सन, दिव्यराज सुवेदीको छायांकन रहनेछ । निर्माणपक्षले कार्यक्रमलाई केही रोचक बनाउनका लागि केकीलाई उनकै भूमिकाको शैलीमा प्रस्तुत गरेको थियो ।
Keki Adhikari try to escape with Sabin Shrestha in Bhag Sani Bhag movie
Music composer Chetan Sapkota tuned producer from the upcoming new movie ‘Bhag Sani Bhag‘ which organized a press meet on Thursday at the capital.
प्रतिक्रिया