Banker Anil Shah Cinema Debut in Blind Rocks nepali movie
विशाल चौतारी समाचार
काठमाडौ, २०७३ माघ १६ आइतबार । बैंकर अनिल शाहलाई अब कर्पोरेट जगतको डिजिट सँग मात्र खेल्नु छैन । यी भर्सटाइल पर्सन अब एक्सन कट्मा व्यस्त हुनेछन् । छायांकन सुरु हुन लागेको बायोपिक ब्लाइन्ड रक्समा उनी महत्वपूर्ण भूमिकामा अनुबन्धित भएका छन् ।
निर्देशक मिलन चाम्सले शाहको अनबन्धनबारे पुष्टि गर्दै उनलाई चलचित्रमार्फत डेब्यु गराउन लागिएको जनाए । ‘उहाँ सुरुदेखि अन्त्य सम्म महत्वपूर्ण भूमिकामा हुनुहुन्छ’ निर्देशक चाम्सले भने ।
आगामी सातादेखि सुट सुरु हुने चलचित्र दृष्टिविहिन प्रतिभावान युवती सृष्टि केसी माथि बन्न लागेको हो । अभिनयमा डेब्यु गर्न लागेकोमा शाहले हर्ष व्यक्त गरेका छन् । उनले स्क्रिप्ट पढिसके ।
नेपाल बैंकिङ संघका अध्यक्ष समेत रहेका शाह मेगा बैंकका प्रमुख कार्यकारी अधिकृत समेत हुन् । निकेश लिम्बुले निर्माण गर्न लागेको चलचित्रमा बेनिशा हमाल सृष्टिको भूमिकामा अभिनय गर्दैछिन् । गौरी मल्ल र नाजिर हुसेन समेत छन् ।
बाल्यकालमै दृष्टि गुमाएकी सृष्टि अहिले उत्प्रेरणा जगाउने खालका प्रवचनमा सक्रिय छन् । ब्लाइन्ड रक्स संस्था मार्फत उनले युवालाई जीवनप्रति आशावादी तुल्याउन कामगर्दै आइरहेकी छन् ।