Rekha Thapa and Aryan Sigdel movie RudraPriya poster
विशाल चौतारी समाचार
काठमाडौ, २०७४ श्रावण ९ सोमबार । नेपाली चलचित्र क्षेत्रमा पर्दा भित्र सफल जोडीहरु कमै छन् । यही कम जोडी मध्ये सबैभन्दा धेरै दर्शकले रुचाएको जोडी थियो, अभिनेत्री रेखा थापा र अभिनेता आर्यन सिग्देल । यी दुई जोडीको मन मुटावका कारण दर्शकहरुले एकसाथ पर्दामा देख्न नपाएको पनि ७ वर्ष भएको थियो । त्यही दर्शकहरुको चाहनालाई पुरा गर्न फेरी वषौपछी रेखा र आर्यन एकसाथ देखिएका छन् ।
रेखा थापाको निर्माण तथा अभिनय रहेको चलचित्र ‘रुद्रप्रिया’को पहिलो मुहार सार्वजनिक गरिएको छ । सार्वजनिक तीन पोस्टर मध्ये एउटामा रेखाको एकल तस्बिर छ भने अर्को दुई वटा पोस्टरमा रेखा र आर्यन प्रस्तुत छन् ।
कात्तिक २ गते, लक्ष्मी पुजादेखि प्रदर्शनमा आउने चलचित्र ‘रुद्रप्रिया’का सार्वजनिक तीन पोस्टरमा आर्कषक छन्, भने दर्शकले यो पोष्टरमा विभिन्न अर्थहरु भेट्न सक्छन् । अभिनेत्री तथा निर्मात्रा थापाले चलचित्रको कथा अनुरुप पोस्टर तयार पारिएको बताईन् । ‘कथा अनुसारकै पोस्टर बनाइएको हो’, रेखाले भनिन्, ‘मैंले खेल्दै र बनाउँदै आएका चलचित्रहरु भन्दा रुद्रप्रिया भिन्न छ ।’ रेखा र आर्यनले ७ वर्षपछि एकसाथ स्क्रिन सेयर गरेका हुन् । ‘आर्यनलाई पनि दर्शकले फरक भूमिकामा पाउनुहुनेछ’, रेखाले भनिन् ।
सुदिप बबी भूपाल सिंहको निर्देशन रहेको फिल्म ‘रुद्रप्रिया’ मा रेखा र आर्यनसँगै विश्व बस्नेत र राजन इशानको मुख्य भूमिका रहेको छ । संजय लामाको छायाँकन रहेको फिल्ममा सुरेश अधिकारी, अर्जुन पोखरेल र राजनराज सिवाकोटीको संगीत छ । रेखा फिल्मसको प्रस्तुती रहेको रुद्रप्रियामा सरस्वती थापा र रमेश एमके पौडेल निर्माताको रुपमा रहेका छन् ।

यस्ता छन् ३ पोष्टर