Murder victim’s father and brother arrested
विशाल चौतारी समाचार
महोत्तरी, २०७४ श्रावण १७ मंगलबार । हत्याको आरोपमा मृतकका बाबु र दाजु पक्राउ परेका छन। महोत्तरी जिल्लाको गौशाला नगरपालिका–२ बस्ने एक महिलालाई हत्या गरेको आरोपमा उनीहरुलाई पक्राउ गरेको छ ।
पक्राउ पर्नेमा सर्लाही जिल्लाको हरिवन नगरपालिका–५ बस्ने शिवजी महतो र उनका छोरा विनोदकुमार महतो रहेको जिल्ला प्रहरी कार्यालय महोत्तरीका प्रहरी उपरीक्षक राजकुमार लम्सालले बताएका छन् ।
गत साउन १० गते दिउासो ३ बजेतिर पक्राउ परेका महतो बाबु छोराले आफ्नै छोरी/बहिनी गौशाला नगरपालिका–२ बस्ने २५ वर्षीया सन्तोलियाकुमारी महतोलाई सलको पासो लगाई घााटी कसेर हत्या गरी गौशाला नगरपालिका–८ स्थित सागरनाथ वन विकास परियोजनाको जंगलमा रहेको खोल्सीमा फालेको अवस्थामा प्रहरीले उनको लाश फेला पारेको थियो ।
विसं २०६९ मा गौशाला–२ बस्ने विक्रम महतोसाग विवाह बन्धनमा बााधिएकी सन्तोलिया पति वैदेशिक रोजगारीमा खाडी मुलुकमा रहेको अवस्थामा माइती र घर कतै नबसी सधौ परपुरुषहरुसाग अनैतिक सम्बन्ध बनाउादै बाहिर बाहिरै हिाडेकीमा उनका घरपरिवार र माइती पक्षसमेतले सम्झाई बुझाई गर्दा पनि नमानेपछि उनका बाबु र दाजुले उनलाई माइतमा बोलाई नाक, मुख थुनेर सलले कसेर कर्तव्य गरी मारेको प्रहरी उपरीक्षक लम्सालले बताएका छन् ।
महतो बाबु/छोरालाई इलाका प्रहरी कार्यालय, गौशालाले पक्राउ गरी महोत्तरी जिल्ला अदालतमा म्याद थप गरी कर्तव्य ज्यान मुद्दा चलाएको छ ।