political news
विशाल चौतारी समाचार
रोल्पा, २०७४ श्रावण २२ आइतबार । जिल्ला समन्वय समिति रोल्पामा नेकपा (माओवादी केन्ऽ) बाट मात्रै उम्मेदवारी परेका कारण निर्विरोध हुने स्थिति देखापरेको छ ।

मुख्य निर्वाचन अधिकृतको कार्यालय रोल्पाले प्रकाशित गरेको निर्वाचन कार्यतालिकाअनुसार उम्मेदवारी दर्ता गर्न दिएको समय सीमाभित्र माओवादी केन्द्रका उम्मेदवारको मात्रै उम्मेदवारी परेको छ ।
जिल्ला समन्वय समितिका संयोजकमा राजबहादुर बुढा र सहसंयोजकमा विमला बुढाको उम्मेदवारी परेको छ । यसैगरी, समन्वय समितिको सदस्यमा कर्मलाल परियार, खमिता रानामगर, शर्मिला बुढामगर, मानबहादुर केसी, मीना पुनमगर, धनबहादुर पुनमगर र लोकमन ओलीको उम्मेदवारी परेको मुख्य निर्वाचन अधिकृत कमलप्रसाद ओलीले जानकारी दिएकाछन् ।
एउटा दलको मात्रै उम्मेदवारी परेको भए पनि निर्वाचनका सम्पूर्ण प्रक्रिया पूरा गरी साउन २७ गते औपचारिक रुपमा निर्वा्चित भएको घोषणा गरिने ओलीले बताए ।
दश स्थानीय तह रहेको रोल्पामा माओवादी केन्ऽले सात, नेकपा एमालेले दुई र नेपाली काांग्रेसले एक स्थानीय तह जितेका थिए । माओवादी केन्ऽको एकल बहुमत भएकाले नेपाली कााग्रेस र एमालेले उम्मेदवारी दर्ता नगराएको बताइएको छ । रासस