AISHWARYA poster Ramesh Upreti and Dipika Prasai
विशाल चौतारी समाचार
काठमाडौ, २०७४ भाद्र २० मंगलबार । पछिल्लो समय फिल्म ‘ऐश्वर्य’को सार्वजनिक गीत ‘तिमि रोएको पल’ का कारण चर्चामा छ । गीतले चर्चा पाउदै गर्दा निर्माण टीमले टिजर पनि सार्वजनिक गर्‍यो । यसै टीमले ट्रेलर अगाडी चलचित्रको पोष्टर सार्वजनिक गरेको छ ।
चलचित्रले कथाको थिमलाई यसपोष्टर मार्फत प्रस्ट्याउने कोशिस पनि गरेको छ । सार्वजनिक पोष्टरमा टिजर झैँ चलचित्रका मुख्य तीन पात्र रमेश उप्रेती, दीपिका प्रसाईं र प्रशान्त ताम्राकार लगायत फिचरिङ छन् । पोष्टरमा पनि टिजर झैँ ऐश्वर्यको लागि रमेश र प्रशान्त विचको टक्करलाई देखाउन खोजिएको छ । यसलाई टौवा क्रियसनले डिजाइन गरेको हो ।
चलचित्रमा डेब्यु अनुहार दीपिका सुपर मोडलकै भूमिकामा छिन । चलचित्रमा अर्की अभिनेत्री केकी अधिकारी पनि छिन् । तर, यसको निर्माणपक्षले केकीलाइ पोष्टर, टिजरबाट लुकाएको छ भने दीपिकालाइ हाइलाइट गरेको छ ।
चलचित्रमा केकी अधिकारी, निर्मल शर्मा, अर्जुन श्रेष्ठ लगायतको पनि अभिनय रहेको छ । रमेश उप्रेती प्रस्तुतकर्ता रहेको यस चलचित्रमा अर्जुन श्रेष्ठ र किरण राणा उप्रेती निर्माता रहेका छन् । निर्मल शर्मा कार्यकारी निर्माता रहेको यस चलचित्रमा लेखन तथा निर्देशन दिवाकर भट्टराईको रहेको छ । सुदीप वरालको छायाँकन रहेको यो चलचित्र कार्तिक ९ मा रिलिज हुनेछ । चलचित्रलाई अल नेपाल डिसीएनले वितरण गर्नेछ ।