Open Jobs in Police Open
विशाल चौतारी समाचार
काठमाडौँ, २०७४ असोज २४ मंगलबार । ९८ हजार २ सय ६८ म्यादी प्रहरीम भर्ना खुलेको छ । आज बिहान प्रहरी प्रधान कार्यलयाले सुचना जारी गरेको छ । आगामी मंंसिरमा हुने प्रतिनिधिसभा र प्रदेशसभा निर्वाचनलाई लक्षित गर्दै म्यादी प्रहरीको भर्ना आह्वान गरेको हो ।

                                                                                                                                 फाइल फोटो

इच्छुक उम्मेदवारले मंगलबार (आजै)देखि आगामी असोज ३० गते बेलुका ५ बजेसम्म आवेदन दिन सकिनेछ। १० रुपैयाँको टिकट टासी निवेदन काठमाडौं, भक्तपुर, ललितपुरका प्रहरी परिसर र ७२ वटै जिल्लाका जिल्ला प्रहरी कार्यालयमा निवेदन दिन सकिने सूचनामा उल्लेख छ। उनीहरुले प्रहरी जवान सरह आधारभूत तलब १७ हजार २ सय ३० रुपैयाँका दरले ५५ दिनका लागि पारिश्रमिक, राशन र स्थानीय भत्ता पाउने छन्।
१८ वर्ष पूरा भई ५४ वर्ष ननाघेको, नेपाली नागरिक हुनुपर्ने छ र कुनै नैतिक पतन देखिने फौजदारी अभियोगमा कसुरदार नठहरिएक, कुनै राजनीतिक दलको सदस्य नरहेको, शारीरिक तथा मानसिक रुपले तन्दरुस्त रहेकाले आवेदन दिन सक्ने सूचनामा उल्लेख छ।