काठमाडौं- कोरोना भाइरसको संक्रमणबाट साउदी अरेबियामा रहेका ८२ जना नेपाली कामदारको मृत्यु भएको छ।

दुतावासका अनुसार वैदेशिक रोजगारीका क्रममा साउदी पुगेकामध्ये ५ हजारभन्दा बढी नेपाली कोरोनाबाट संक्रमित भएका छन् भने ८२ जनाले ज्यान गुमाएका छन् ।

साउदीमा कोरोना भाइरसबाट हालसम्म ३ लाख ३७ हजार २ सय ४३ जना संक्रमित, ४ हजार ९ सय २३ जनाको मृत्यु भएको छ ।

कोरोना भाइरसको महामारीसँगै रोजगारी गुमाएका र अलपत्र परेका करिब ११ हजारभन्दा बढी नेपाली स्वदेश फर्किएका छन् । २६ हजार ९ सय ५६ जनाले स्वदेश फर्किनका लागि आवेदन दिएका छन् ।