Sunil Thapa filmfare awards Best Actor Supporting Role Male Mary Kom
विशाल चौतारी समाचार
काठमाडौ, २०७१, पौष १६, बुधबार । अभिनेता सुनिल थापा पछिल्लो समय बलिउड चलचित्र उद्योगमा चम्कने सुरमा छन् । अभिनेता थापाद्धरा अभिनित चलचित्र ‘मेरी कोम’ले गर्दा उनको बलिउड यात्रा चिम्कएको हो ।

अभिनेता सुनिलले यही चलचित्रबाट भारतकै चचिर्त ‘फिल्म फेयर अवार्ड’को नोमिनेशनका लागी भोट मागिरहेका छन् । सुनिललाई अनलाइन भोटिङ मार्फत –‘बेष्ट एक्टर सपोटिङ रोल–पुरुष) तर्फको विधाको नोमिनेशनमा आफूलाई अगाडि लैजान आग्रह पनि गरेका छन् । यो विधामा सर्वाधिक मत पाएको खण्डमा सुनिल नोमिनेशनमा पर्न सक्नेछन् । नोमिनेशनमा परेको खण्डमा सुनिलको चचिर्त अवार्ड जित्ने संभावना धेरै हुनेछ ।

चलचित्र ‘मेरी कोम’मा अभिनेता थापा एक खेल प्रशिक्षकको मुख्य भूमिका निर्वाह गरेका थिए । बलिउडबाटै अभिनय यात्रा सुरुवात गरेका सुनिल तुलसी घिमिरे निर्देशित चलचित्र ‘चिनो’ रिलिजपछि खलनायकका रुपमा नेपाली चलचित्र क्षेत्रमा स्थापित भएका थिए । अहिले मुम्बइ बस्दै आएका थापा केही दक्षिण भारतीय चलचित्रमा पनि काम गर्ने योजनामा छन् ।

अभिनेता सुनिल थापा भोटका लागी नेपालीहरुलाई भोटका लागी आग्रह गरेका छन् । यहि जनवरी ७ सम्मका लागि खुलेको अनलाईन भोटिङ अनुसार तपाईले आधिकारिक वेवसाईटमा सिधै यो लिङक 5. Best Actor Supporting Role Male क्लिक गर्नुहोस् । क्लिक गरेपछि पहिलो बक्समा Sunil Thapa र त्यस तलको दोस्रो बक्समा थापा अभिनित फिल्म Mary Kom टाईप गरी क्रमश Next गर्दै अन्त्य सम्म पुगी आफ्नो आधिकारिक ईमेल आईडी र नाम टाईप गरी भोट गर्नुपर्ने हुन्छ ।